Eine etwas andere Adventsgeschichte
#1
Eine etwas andere Adventsgeschichte - für alle, die des Bayrischen mächtig sind

Advent im Bayrischen Wald

Eine kleine Weihnachtsgeschichte vom Huber Seppi, einem 10-jährigen Jungen aus dem Unterland Bayerns.

Der Adpfend ist de schönste Zeit im Winta.

De meisten Leit habm im Winta a Grippe. De is mit Fieber.

Mir hom a oane, owa de is mit Beleichtung und man schreibst mit ´K´.

Drei Wocha bevor´s Christkindl kimmt, stellt da Pappa de Kripp´m im Wohnzimma auf und mei kloane Schwesta und i derma mithelfa.

Kripp´m san langweile.

Owa de unser ned, wei mia habm mordstolle Figurn drin. I hob amoi an Josef und s´Christkindl auf´n Ofa g´stellt, dass ses sche warm habm - und des war eahna z´hoass. S´Christkindl is schwarz worn und an Josef hats in lauta Trümma zrissn. Oa Fuaß vo eahm is bis in Platzldoag g´flogn und des war koa schöna Anblick. Mei Mamma hat mi g´schimpft und g´sogt, das ned amoi de Heiligen vor meiner Bledheit sicha sand. Wenn d´Maria ohne Mo und ohne Kind herumsteht, schaugst ned guat aus.

Owa i hob Gott seidank vej Figurn in meina Spuikistn - und da Josef is jetzt da Donald Duck. Ois Chistkindl woit i an Asterix nehma, wai der so kloa is, daß er in den Fuadertrog paßt.

Owa da hot d´Mama g´sogt, ma ko doch ois Chistkindl koan Asterix hernehma, do is ja no as verbrennte Christkindl bessa. Es is zwar schwarz, owa immerhin no a Christkindl.

Hintan Christkindl stehnan zwoa Oxn, a Esl, a Nilpferd und a Brontosaurier. Des Nilpferd und den Saurier hob i hig´stellt, wei da Ox und da Esl warn ma z´langweili.

Links neba den Stoi kemman grod de heilign drei König daher. Oa König is an Papa im letzten Adpfend beim Putzn owe g´foin und er war total hi. Jetzt hama nur mehr zwoa heilige Könige und an heiligen Batman als Ersatz.

Normal homand de heiligen Könige an haufa Zeig für´s Christkindl dabei, nämlich Gold, Weihrauch und Pürree - oda so ähnlich ... Vo de unsan hod oana anstatt Goid a Kaugummipapierl dabei, des glänzt so schö. Da anda hot a Marlboro in da Hand, wei ma koan Weihrauch ham. Owa de Marlboro raucht a schö, wenn mas ozündt. Da heilige Batman hat a Pistoin dabei. Des is zwar koa G´schenk füa a Christkindl, owa damit konn er´s vom Saurier beschütz´n.

Hinta dene drei Heilige san a por rotheitige Indiana und a kaasiga Engl. Den Engl is a Fuaß obbrocha, drum haman auf a Motorradl g´setzt, daß er si leichta tuat. Mit´n Motorradl kann er fahrn, wenn er grod net fliagt.

Rechts neban Stoi habma a Rotkäppchen hig´stellt. Si hod a Pizza und drei Weißbier füa d´Oma dabei. An Woif hama ned, drum lurt unta am Baam a Bummerl ois Ersatzwoif viara.

Mehr steht in unsara Kripp´m ned drin, owa des reicht a. Auf d´Nacht schoit mas Liacht ei und dann is unsa Kripp´m erscht so richte schö. Mia sitz ma olle do und sing ma Liarda vom Adpfend. Manche gfoinma, owa de meistn san ma z´luasat.

Mei Opa hot ma amoi a Gedicht vom Adpfend glernt, du des geht so:

Adpfend, Adpfend, da Bärwurz brennt,

erscht dringst oan, dann zwoa, dann drei, dann vier,

dann hauts´te mit dem Hirn an d´Tür.

Dann drinkst fünfe, sechse, siebene und dann acht,

oies über di lacht!

Und drinkst dann neune, zehne, oilfe und zwoilfe,

dann fängst zum heula a wia die Woilfe!

Drinkst dann no mear, kannst kotzen wia an Bear!


Obwohl des Gedicht recht sche is, hot d´Muata gsogt, das i mir´s ned merka deaf.

Bis ma schaut, is da Adpfend voabei und d´Weihnacht a und mit dem Johr geht´s dahi. D´Gschenk san auspackt und man griagt vor Ostern nixmehr, höx´tns an Geburtstag

Owa oans is gwiß - da Adpfend kimmt olawei wieda !!!
Zitieren
#2
Herrlich [Bild: grhl.gif?t=1221375577]

Grod so stöi i mia d'Weihnacht vua bei unsare Freind im Woid,
ois da Gustl, dea wos da Bauer is, no a Bua a rrrrrrotzfrecha woa MrGreen

Pfiadi,
Hans
Zitieren
#3
Juhuihaxn,
zwei mal gelesen und scho kapiert :lol: klasse
Zitieren
#4
Nun ja Norre,

Hans und Tüfftele sollten irgendwo ein eigenes Forum eröffnen
für Fremdsprachen der Welt. :tease:

Um vorzugreifen: "Nein, ich mache hier keine Extra-Kategorie auf". :icon_troest:

Tüfftele schreibt alles in einem Textprogramm, gelle?
Deshalb beim kopieren und einfügen die ...Zeilenabstände.

Bis dann
Jürgen
Zitieren
#5
Bin ich froh das eine große Suchmaschine einen Übersetzer eingebaut hat Smile

Lg
Roman
Zitieren
#6
Jo, und anschließend ist die Suma abgeraucht.

Gruß
Jürgen

oder auch
Pfiadi, Servus (Klopapier)
Zitieren
#7
Hallo Tüfftele
köschtliche Gschicht :abrollen:
... hab scho ainiges übersetzt, aber no ni alles ...
Märsi villmaal ( = xmasdanke )
Zitieren
#8
Hab es gerade gefunden und mich köstlich amüsiert, aber natürlich nur wenig verstanden Sad

Muss die Übersetzung noch mal suchen...

:weihnachtsbussi:
Zitieren



Möglicherweise verwandte Themen...
Thema Verfasser Antworten Ansichten Letzter Beitrag
  Glück ist eine heilige Sekunde Catzia 0 1.481 08.04.2021, 10:27
Letzter Beitrag: Catzia